Du må være innlogget for å få tilgang til alle nyheter! Logg inn eller opprett brukerkonto.

Steinar Bjordal

Steinar Bjordal

 

Travel tråkkar Alder: 42 år Stilling: Bonde, slaktar og dagleg leiar ved Stavtjørn Alpin Aktuell: Feirar alpinsenteret sitt 30-årsjubileum i helga På 80-talet var han ein av få unge ørsdølar utan sesongjobb på alpinsenteret. I dag både eig og driv han Stavtjørn Alpin AS. I morgon får du billig drahjelp opp bakkane på Stavtjørn. Når alpinsenteret lokkar med 1979-prisar, er det eit utslag både av feststemning i anledning 30-årsjubileet, og yr glede over at det faktisk går an å driva skianlegg i eit såpass kystnært område som det indre av Bjerkreim trass alt er. - Det var Arne Vassbø, Oddfinn Hovland og Rudolf Bø som starta alpinsenteret for 30 år sidan. Dei to førstnemnde var ørsdølar mens Bø var gift med ei frå dalen. Etter diverse eigarskifte kom anlegget igjen på lokale hender for snart to år sidan. Det er best sånn, fastslår Steinar Bjordal, som sommaren 2007 kjøpte alpinanlegget i lag med Torfinn Liestøl. Dei to er naboar på kvar si side av Ørsdalstunnelen. Steinar Bjordal har ikkje, i motsetning til dei fleste andre ørsdølar under 45 år, trødd barneskiskoa sine i slalåmbakkane på Stavtjørn. - Eg var meir interessert i langrenn, seier den travle ørsdalsbonden. I tillegg til skitrekk har han kone og tre ungar, 200 sauer som så vidt har begynt å lemma, og stutar som skal stellast heime og slaktast på arbeid. - Kona og ungane må helst klara seg sjølv no om dagen, innrømmer han. Om han sjølv helst går bortover på ski, er han, som interessent, i det minste interessert i at alpint skal vera interessant for andre. - Me opna siste helga i januar og har hatt ein grei sesong med både godt med naturleg snø og snøkanonar som har fungert slik me håpte. Men etter vinterferien kunne me godt hatt litt meir besøk, seier Steinar Bjordal. No håper han at helgas jubileumsfeiring blir ei anledning til å visa folk at om vårsola i bakkane blenkjer, så er dei framleis kvite og innbydande for skiaktivitet. Den daglege leiaren freistar med fire heisar med ein kapasitet på totalt 3.400 personar i timen. For første gong på fire år skal også fjellheisen i gang for å trekkja dei mest fartsglade opp til 800 meter over havet. I tillegg har langrennsfrelste Bjordal sørgt for at det frå toppen av trekket er kjørt opp skispor, èi løype på 2,5 og éi på 3 kilometer. Det bør liggja an til glisne bakkar i Sirdal i helga, meiner den lokale skitrekksjefen. - Kva skal du gjera i dag? - I dag blir det tråkking og klargjering av alle løypetraseane frå tidleg morgon til kvelden. Fjosstellet må kona ta. Når eg er ferdig, er det nok slutt, alt som kunne vore verdt å sjå på fjernsynet. - Er du uroleg for finanskrisa? - Nei, eg har ikkje merka krisa. Og folk ser ut til å villa renna på ski uansett. - Er du flink til å gå på besøk? - Nei, men kona prøver å dra meg med. - Kva slag forhold har du til Facebook? - Eg veit knapt nok kva det er. - Kva må du ha i kjøleskåpet? - Majones og ost; eg bruker majones på alt. - Kva burde du brukt meir tid på? - Eg skulle ha gått meir på heia. Det er både gildt og nyttig for ein sauebonde. - Kven bør få den neste dalaneprisen? - Bjerkreim elveeigarlag - for å ha gjort Bjerkreimselva til ein attraksjon. - Er du trufast mot eitt politisk parti? - Nei. Eg har stemt på forskjellige parti, men er ikkje politisk interessert.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!