Du må være innlogget for å få tilgang til alle nyheter! Logg inn eller opprett brukerkonto.

Tone Byberg

Tone Byberg

 

    Konkurrerer mot Forus Alder: 32 år Bur: I Egersund Aktuell: Dagleg leiar i ny butikk Tone Byberg skal prøva å få folk til å slutta å kjøra dit ho jobba før. Ho arbeidde som salsleiar for to store avdelingar på Ikea då ho trefte ein eigersundar. Ho flytta til Egersund i fjor sommar, og fann fort ut at det var tungvint å pendla. Etter ti år på Ikea, peika ho seg ut stillinga som dagleg leiar av den nye butikken Metro. - Eg trivst med sal og synest konseptet er spennande. Kjeda er ung, og eg får sjansen til å vera med og byggja ho opp, seier ho. Kjeda er fire år gammal, og butikken på Eie er den sjette. - Me har tenkt å bidra til å stoppa handelslekkasjen til Forus. Me skal ha det sortimentet folk reiser dit for å kjøpa, og ønskjer å trekkja folk frå heile Dalane og Jæren, seier Tone Byberg. - Det blir ein tøff jobb? - Ja, det blir det. Det blir nok litt prøving og feiling. Men me har mange leverandørar, og eg står fritt til å bestemma kva me skal selja, seier butikkleiaren. Varaordførar Solveig Ege Tengesdal opna butikken i sist veke. Sidan har blomane og godorda strøymt på. - Det har vore kjempegilt, seier Tone Byberg. Ho tok handel og kontor då ho gjekk på vidaregåande, men det var eigentleg ganske tilfeldig at ho hamna i butikkbransjen. - Eg begynte med det, og treivst, fortel ho. Når ho ikkje er på jobb, liker ho å gå turar og vera sosial. Ho liker òg å halda på med handarbeid, spesielt å spøta. Ho er i frå Tjelta i Sola kommune. - Og så er eg mor til to gutar. Den eine var med på flyttelasset til Egersund, fortel ho. - Kva skal du gjera i dag? - Eg skal vera på jobb heilt til åtte, eg har éin langdag i veka. Etterpå håper eg å få ta meg ein spasertur. Så mykje meir blir det vel ikkje tid til. - Er du uroleg for finanskrisa? - Eg er eigentleg ikkje det. Media har hausa krisa opp. - Er du flink til å gå på besøk? - Ja, det er eg i grunnen. Eg går både på planlagde besøk og stikk innom hos folk i døra. Eg er veldig glad i å få besøk òg. - Kva forhold har du til Facebook? - Eg har ikkje noko forhold til Facebook. Det er ikkje noko for meg. Eg synest det er greitt å ha sosial kontakt ansikt til ansikt med folk. Eg var vel for gammal då Facebook kom. - Kva må du ha i kjøleskapet? - Kjøttpålegg og pesto. Pestoen bruker eg til det meste, både raud og grøn. - Kva burde du ha brukt meir tid på? - På trening. Eg burde ha jogga meir. Og så burde eg ha brukt meir tid på hagearbeid. Me har stor hage i Kjærlighetsstien, og eg kjenner ofte på dårleg samvit for at eg får gjort for lite der. Men på denne tida er det vel ikkje så mykje å gjera i hagen uansett. - Kven bør få Dalaneprisen neste gong? - Gunnar Kvassheim. Eg stemmer Venstre, og Kvassheim er ein flott profil. Han seier dei rette tinga og er ein god representant for Egersund. - Er du trufast mot eitt parti? - Ja, eg er trufast mot Venstre. Det er dei eg føler meg mest heime hos. Eg liker det som har med menneskeverd, miljø og småbedrifter å gjera.



For å se innholdet må du ha gyldig abonnement.

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!