Du må være innlogget for å få tilgang til alle nyheter! Logg inn eller opprett brukerkonto.

Tore Tunheim

Tore Tunheim

 

Alder: 30 år Bur: Egebakken, Eigersund Aktuell: Startar opp med eigen verkstad saman med kameraten Kjell Arne Johansen   Herrar i eigen verkstad Det var nå eller aldri for Tore og Kjell Arne. Dei har ei felles interesse i mekking, er kameratar og har jobba saman på to arbeidsplassar. Dermed skulle ikkje kjemien vera noko hinder for at Tore Tunheim og Kjell Arne Johansen skal lykkast med det nye firmaet sitt. - Me har tenkt på det og snakka om det i fleire år. I vår bestemde me oss. Skulle me starta for oss sjølv, var det nå eller aldri. Dei siste fem månadene har me jobba intenst for å koma i mål, seier Tore Tunheim. "Målet", reint geografisk, er i Svanavågveien, like ved Egersund Trål. Der håper dei to mekanikarkompisane at dei i løpet av denne veka får alt klart til å ta imot den første doningen i neste veke. Autopartner AS er autorisert for bilar opptil 3,5 tonn, mopedar og motorsyklar. - Hovudgeskjeften blir service på og reparasjon av bilar, men me har registrert at det er stor etterspørsel etter verkstadtenester for mopedar. Per i dag finst det ikkje andre godkjende moped- og motorsykkelverkstader i Eigersund, seier Tore Tunheim. Verken han eller Kjell Arne Johansen har hatt mange ledige stunder etter at avgjerda var teken om at nå, nå skulle draumen realiserast. - Det har vore mykje papirarbeid, blant anna innhenting av alle nødvendige godkjenningar, og sjølvsagt fullt opp med praktisk arbeid. Arbeidsdagane i verkstaden har stort sett vart frå klokka sju om morgonen til 11-12 om kvelden, seier Tore Tunheim og medgir at dottera på to har sett litt for lite til far sin dei siste månadene. Inntil vidare skal Tunheim og Johansen vera sjølvhjelpte med alt, kundemottak så vel som reparasjonsarbeid. - På sikt er målet at Autopartner skal ha fire-fem personar i arbeid. Men først må me konsentrera oss om å byggja opp ein tilstrekkeleg kundekrets. Kanskje er me tre stykk utpå våren ein gong, håper Tore Tunheim. - De investerer og satsar mykje; kvifor? - Me har lyst å skapa noko sjølv, ein triveleg arbeidsplass som me utformar slik me sjølv synest er best. Ja, me har investert og lånt mykje pengar, men eg har tru på at verkstaden skal vera liv laga. Me har kjøpt inn topp utstyr, og prisnivået vårt skal vera konkurransedyktig, meiner bedriftseigar Tore Tunheim. - Kva skal du gjera i dag? - Bortsett frå ein tur heimom for å eta middag blir eg nok i verkstaden heile dagen. Me skal kursast i nytt utstyr for justering av hjulstilling. Etterpå blir det rydding og klargjering utover kvelden. - Har du flaks? - Nei, aldeles ikkje. Men eg håper det snur nå; det kan koma godt med i forbindelse med det nye firmaet. - Kva vil du helst gjera ein laurdagkveld? - Det beste er å vera heime og slappa av med familien, eller på sjøen når årstida og vêret tillet det. - Kva for ein serveringsstad i Dalane liker du best? - Eg går veldig lite ut, så eg har i grunnen ikkje peiling. Du får skriva Telegrafen; dei har iallfall god mat. - Er du fornøgd med ordføraren din? - Ja. Han stiller opp når det trengst. - Kva liker du å gjera om hausten? - Eg liker å gå tur eller dra ut med båten, uansett årstid. - Kva les du før du sovnar om kvelden? - Båtmagasinet. - Har du hatt eller skal du ha ferie i haust? - Nei, det er det ikkje tid til i år.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!