Du må være innlogget for å få tilgang til alle nyheter! Logg inn eller opprett brukerkonto.

Torhild Myklebust

Torhild Myklebust

 

  Frisk og fornøgd Alder: 61 år Bur: I Egersund Aktuell: Blir tilbydd lymfedrenasje i heimbyen, og kan slutta å reisa etter 11 år Torhild Myklebust feirar alle fødselsdagar og tenkjer på kor heldig ho er. «Me må feira det me kan.» Det har vore mottoet til Torhild Myklebust etter at ho blei frisk frå brystkreften. Ho snakkar aldri om at det er stusseleg å bli eldre. Snarare ber ho inn stort og smått og feirar kvar einaste fødselsdag. - Ein blir mykje meir positiv etter at ein har vore sjuk, seier ho. Ho er med i den lokale foreininga for brystkreftopererte. Der oppmuntrar dei kvarandre til å tenkja positivt. Derfor har ikkje Torhild Myklebust tenkt så mykje på at det har vore strevsamt å reisa til Stavanger eller Bryne for å få lymfedrenasje. Men etter 11 år med kjøring må ho innrømma at det kjennest godt endeleg å få eit tilbod i heimbyen. Ragna Sigmo Skipstad ved Fysioklinikken har fått kommunalt driftstilskott for å driva med det som på fagspråket heiter komplett fysikalsk lymfeødem. Ho har tatt vidareutdanning og kjøpt inn nødvendig utstyr, takk vera mellom andre ein tiandeklasse i Sokndal. Då klassen skulle på skuletur til Polen, blei det samla inn pengar. Pengane som var igjen, blei donerte til FFB Egersund og omegn. Ein av elevane i avgangsklassen, som gjekk ut av skulen i fjor, har mista mor si i brystkreft. - Me må få lov å takka elevane for dei 11.500 kronene, seier Randi Gjertsen, som er leiar i brystkreftforeininga. Med til saman 15.000 kroner i støtte frå FFB Egersund og Omegn og 10.000 kroner frå hovudstyret i Oslo, trong ikkje Ragna Sigmo Skipstad spytta inn så mykje pengar sjølv for å kjøpa inn kompresjons-maskinen ho hadde behov for. - Og så pruta eg litt. Eg gjorde eit godt kjøp, forsikrar fysioterapeuten. Torhild Myklebust fekk fjerna lymfene under venstrearmen då ho blei kreftoperert. Det er derfor ho må ha lymfedrenasje. Hos dei som får brystkreft i dag, blir ikkje lymfene fjerna. Men dei som først har fått lymfene tatt vekk, må ha drenasje resten av livet. Mange andre pasientgrupper har òg behov for lymfedrenasje, folk som har hatt blodpropp eller er blitt bitne av hoggorm, er eksempel. - Kva skal du gjera i dag? - Eg skal på jobb ein tur. Eg har ei 40 prosent stilling på Tess. Så skal eg gå meg ein liten tur. Det er jo vinterferie, så eg får nok besøk av nokon barnebarn òg. Dessutan går eg minst éin gong om dagen til mor, som er på Kjerjaneset. Ho er 92 år og set pris på at eg kjem. - Kva har du lyst å læra? - Spansk. Me har leilegheit i Arguineguin og reiser dit fire-fem gonger i året. Førebels kan eg bare nokon enkle ord. - Er du ein dyrevenn? - Nei. Eg har aldri likt dyr. - Kva for ei årstid liker du best? - Sommaren. Eg liker sol og varme. - Er du sportsleg? - Nei. Eg går tur, men eg er altfor sløv elles. Eg skulle nok ha trena meir. - Kva kunne du ha skrive lesarbrev om? - Eg er i grunnen fornøgd med alt. Eg har aldri lagt meg borti politikken, eller noko. Etter å ha blitt frisk frå ein alvorleg sjukdom, ser eg meir positivt på livet. Bompengar er ikkje eit problem. Bare eg er frisk, så, pleier eg å seia. - Kva pleier du å gjera på sundagane? - Eg søv litt lenger. Og så er det som regel alltid nokon som stikk innom. Sundag er familiedag. - Kva ville du brukt ein lottomillion til? - Eg ville gitt litt til den lokale brystkreftforeininga. Så hadde barn, svigerbarn og barnebarn fått resten, antakeleg.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!