Du må være innlogget for å få tilgang til alle nyheter! Logg inn eller opprett brukerkonto.

Valon Berisha

Valon Berisha

 

    Jippi for Jåttå! Alder: 16 år Bur: Husabø, Egersund Anledning: Seriestart med EIK og kontrakt med Viking Valon Berisha skal gi alt for EIK før han til hausten blir siddis og mørkeblå.   Det har ordna seg bortimot perfekt for Valon Berisha. Ikkje minst guten sjølv synest at forholda har lagt seg godt til rette for han. Når han til sommaren er ferdig med tiande klasse på Husabø, skal han nemleg både spela fotball og gå på skule på Jåttå. - Eg skal gå på idrettslinja på den vidaregåande skulen som ligg like ved Viking stadion, forklarer Valon Berisha. Det var like før påske at 16-åringen, som har budd i Egersund sidan han var tre, skreiv under på ein treårig kontrakt med Stavanger-klubben. Men i vår er det avslutninga av ungdomsskulen og poengjakta for tigrane han konsentrerer seg om. Sjølv med eliteseriespel i sikte forsikrar Valon Berisha at tredjedivisjonskampane for EIK ikkje kjem til å ha noko B-stempel. - Nei, vårens kampar for EIK blir fullt alvor for meg. Eg vil at me skal vinna kvar einaste kamp. Me har ein bra tropp i år, så laget bør ha gode sjansar til å bli blant dei tre beste i serien, meiner Valon Berisha, som spelte bortekamp mot Brodd i serieopninga i går. Han har spelt fotball sidan han var sju år og har gått gradene i EIK. Sjølv om han bare er 16 år, er det lenge sidan talentet hans blei oppdaga av speidarar frå den store fotballverda, Stavanger inkludert. Han har hospitert hjå Viking i forbindelse med fleire turneringar. Til London har det hittil blitt tre turar, den siste for eit halvt år sidan, for å bli målt, vogen og testa i storklubben Chelsea. Men frå Barcelona har han enno ikkje høyrt noko. - Barcelona er favorittklubben, ingen tvil. Men Chelsea er jo òg ein stor klubb. Eg ville nok vurdert eit tilbod derifrå òg, flirer Valon Berisha. - Kva skal du gjera i dag? - Eg skal ha fri frå skulen for å reisa til Bergen og delta på regionturnering med kretslaget. Det blir kamp laurdag og sundag. - Er du uroleg for finanskrisa? - Nei, eigentleg har eg ikkje tenkt så mykje over den saka. - Er du flink til å gå på besøk? - Eg er ganske flink til å besøkja venner. Det let seg kombinera med fotballen. - Kva slag forhold har du til Facebook? - Der er eg inne kvar dag, så forholdet er godt. - Kva må du ha i kjøleskåpet? - Mjølk og ost - Norwegia, altså. |- Kva burde du brukt meir tid på? - Eg kunne nok brukt endå meir tid på venner. Fotball, derimot, bruker eg meir enn nok tid på. - Kven bør få den neste dalaneprisen? - Røde Kors; eg har sans for dei som hjelper andre. - Er du trufast mot eitt politisk parti? - Eg følgjer ikkje så mykje med, men eg bør nok stemma når eg blir gammal nok til det. Det er nok Arbeidarpartiet eg sympatiserer mest med..



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!