Du må være innlogget for å få tilgang til alle nyheter! Logg inn eller opprett brukerkonto.

Veli Akalp

Veli Akalp

 

Fastar midt i matfatet Alder: 29 år Bur: I Egersund Aktuell: I dag er den første dagen i fastemånaden ramadan. Fasta er ein av dei fem søylene i islam. m Den neste månaden kan ikkje kokken Veli Akalp smaka på godsakene han lagar på jobb. - Det er ikkje så vanskeleg. Eg drikk mykje vatn, seier 29-åringen, som kom til Egersund frå Tyrkia for to år sidan. Ramadan er nesten som jul her heime. Familiar kjem saman for å eta når sola har gått ned - ja, ein kan til og med invitera inn framande rett frå gata. Veli er van med å eta middag i eit svært bytelt når kvelden kjem. Her kjem stort og smått saman til mat og kos, og ungane blir underhaldne med skuggeteater. Nesten som i Julebyen, altså. Det er mykje med jul i Egersund som minner Veli om ramadan i Tyrkia. Blant anna lossitradisjonen. - Lossi liker eg så godt. Ungane som kjem til meg, får mykje kjeks. Det er bare å koma, smiler han. Det er ikkje så mange tyrkarar i Egersund, så Veli lengtar litt til heimlandet og festane der under ramadan. - Me reiser til Stavanger under id-festen, som er avslutninga av fastemånaden. Der er det moské og der får me litt feststemning, seier han. Han slår eit slag for fasta, som han meiner er bra for kroppen. - Når du ikkje et, kan kroppen bruka alle energien på å tenkja. Kroppen får slappa av og ein får ut alle giftstoffa, seier han. - Kva skal du gjera i dag? - Når vekkjarklokka ringer klokka tre, står eg opp og et. Så ber eg. Deretter legg eg meg til å sova igjen, før eg står opp og går på jobb. Når arbeidsdagen sluttar, skal eg heim og laga mat. Det blir litt ekstra, sidan det er første dagen i ramadan. Me er fleire tyrkarar som skal eta i lag. - Kva gjer du for å slappa av? - Eg har hage heime med forskjellige frukttre. Det er avslappande å halda på med dei og sjå på humlene som surrar. - Ferierer du helst i Norge eller i utlandet? - Eg må iallfall ha éin tur til Tyrkia i løpet av året. Det blir ofte Sverige òg. Eg har fire brør og to systrer i Sverige. - Kva et og drikk du helst om sommaren? - I Tyrkia drikk me mykje te. Det kan bli svært varmt der eg kjem ifrå, opp til 50 grader. Ein tåler temperaturen betre om ein drikk noko varmt. Te balanserer. Kald drikke fører bare til sveitting. Når det gjeld maten, så et eg mykje melon og fetaost. Fetaost må eg alltid ha i kjøleskapet. Og så et eg ein del brød som eg lagar sjølv. - Sender du postkort, e-post eller sms når du er ute på tur? - Eg sender postkort til ungane i nabolaget. Ikkje fordi eg forventar å få postkort tilbake, men fordi eg liker det. Dei på jobben får òg kort. - Har du eit spesielt sommarminne? - I Tyrkia var eg ein gong med på å steika egg på den varme asfalten. Det tok litt tid, men det gjekk greitt. - Kva burde Dalane Tidende skriva meir om? - I kvart nummer burde avisa spurt folk om kva som bør ordnast opp i, både i byen og i kommunane elles. Meiningane burde vore presenterte med namn og bilete. Det er vanleg i Tyrkia. I ei slik spalte kan folk ytra seg om hòl i asfalten og slike ting. - Kven fortener ei rose? - Roser er viktig i min religion, og derfor kunne eg gitt roser til alle saman!  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!