Du må være innlogget for å få tilgang til alle nyheter! Logg inn eller opprett brukerkonto.

Vond verd, god ferie

- Verda er vond, sa Larry Norman til visefestivaljournalist Ingve Aalbu tidlegare i sommar. Det har kristenrocklegenda sørgeleg mykje rett i. Dei som er mest vonde, planlegg terroraksjonar som skal drepa eller lemlesta flest mogleg uskyldige tog- og busspassasjerar i London. Me andre nøyer oss med å kviskra høgt om kva me heilt sikkert trur me veit om kvifor naboen reiste frå kone og barn. Og no har son til Hansen hamna på galeien igjen. Kva var det me sa?Men heldigvis finst det ein god del gode folk òg i denne vonde verda. Og enkelte av desse godhjerta menneska har så gode kontaktar og så fin tittel at dei gode tankane deira kan vera med å forandra litt på verda. Sir Bob Geldof for eksempel. Sommarens Live 8-kampanje, med ti topptunge konsertar som gav gjenklang verda over, ikkje minst i Gleneagle i Skottland, og 26,4 millionar tekstmeldingar - på éin kveld - til støtte for fattigdomskampen; slikt gir håp om at det går an å gjera noko med vondskapen. No reknar eg ikkje med å ha ein einaste sir, heller ingen ladyer, i lesarskaren min. Derfor vil det sannsynlegvis falla både meg og dykk litt tungt å samla 200.000 personar til konsert i Hyde Park. I staden får me begynna i det små, på Hellvik og Golan, på Vikeså, Moi og i Nesvåg. Og hugs at det er ikkje bare konsertar som verkar mot vondskap.Eit anna bevis på at verda er vond, er flugene. Dei små er verst. Så snart ein skyfri himmel og varme grader i dusinvis - minst eit par - er i ferd med å få oss til å gløyma alt det vonde i verda, så er dei der: tusenvis, millionar av små svarte støvkorn med vengjer. Eitt av dei beste teikna på at det er skikkeleg sommar, er at ytterdørene står oppe. Men kva er resultatet? Glaskarmane mine liknar massegraver kvar einaste dag.Ja, eg vedgår at vondskapen flugene representerer, er i ein annan divisjon enn den vondskapen Sir Bob og U2-Bono kjempar mot. Men no er det ein gong sånn at einkvar er seg sjølv nærmast. Og eg er ikkje så sikker på om ikkje også Bob og Bono har mindre alvorlege "vondtar" dei irriterer seg over.  Det har iallfall kollegaen min, han som misvisande nok, ut frå falsk blygskap, skriv seg under pseudonymet "null-null". Måndag morgon kjendest nok verda ekstra vond for redaksjonssekretær Omdal. Då måtte han stå opp igjen etter å ha feriert og sove vekk halve dagen i fire veker. No er det på 'an igjen med jamring og klaging over kor ulideleg vondt det er å stabla den over femti år gamle kroppen på beina så ukristeleg tidleg som han må opp for å nå morgonmøtet i avishuset klokka halv ni. Eg, derimot, med heile ferien til gode, har det ikkje så verst. Når du les dette, har eg bare to morgonar igjen å stå opp, som Olaf ville ha sagt det. At eg kjem til å stå opp klokka halv seks også i ferien, er ein annan ting. Sjå vekk frå det. Poenget er at eg snart skal ha ferie. Eg har ein heil ubrukt ferie framfor meg. Olaf har sikkert hatt det fint i ferien sin: inga vekkjarklokke og ein god del sol. Men ferien hans er over for denne gong, historie. Forventninga er halve moroa. Kanskje får eg regn kvar einaste dag i ferien min. Kanskje blir det bare stress og mas å drassa med seg eit ni månader gammalt slangemenneske med ustoppeleg utforskartrong, til England. Kanskje er Hadrian's wall oppskrytt. Kanskje finn me ingen Bed & Breakfast med barne-bed. Men det veit eg ingenting om i dag. På førehand er ferien aldri vond.God ferie til alle andre som har han til gode!



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!