Du må være innlogget for å få tilgang til alle nyheter! Logg inn eller opprett brukerkonto.

Vegvesenet skal vurdere E39 over Høg-Jæren

- Fantastisk beskjed

- Fantastisk beskjed

Rune Gjedrem i gruppa Ny E39. FOTO: Keth Odland

Rune Gjedrem, initiativtakaren til ny trasé for E39, synest beskjeden frå samferdselsministeren er fantastisk.

Tekst:

Publisert:

Oppdatert:
13.02.2015 kl 09:40

- Nei, kva skal eg seia, eg står nesten ikkje nedpå. Jippi, jippi, kommenterte han rett etter at han fekk beskjeden på torsdag om at E39 over Høg-Jæren skal vurderast av Vegvesenet.

Han erkjenner at han ikkje hadde venta seg medhald frå samferdselsminister Ketil Solvik-Olsen.

- Nei, eg hadde ikkje det. Når du har arbeidd i motbakke i tre år, så kjennest det merkeleg når vegen plutseleg flatar ut, seier han.

Det er ei vurdering av prosjektet, ikkje ei utgreiing, samferdselsministeren har sagt ja til.

- Men det er eit fantastisk delmål me har nådd. Det er heilt utruleg flott, seier Rune Gjedrem, som står bak gruppa Ny E39.

Han har god tru på at Vegvesenet nå vil sjå fornufta i å leggja vegen i ein ny trasé, og at neste steg blir ei utgreiing.

- Kva trur du har vore utslagsgivande for avgjerda til ministeren?

- Eg trur dei tre åra med arbeid me har bak oss, har utgjort eit godt grunnlag. Men den siste dråpen var nok møtet me hadde i Egersund Arena. Møtet fekk mykje merksemd, og det har vore sagt mykje positivt om prosjektet i ettertid. At partia på fylkesnivå har begynt å ønskja seg utgreiing av den alternative traseen, har òg vore viktig, seier Rune Gjedrem.

Både Framstegspartiet og Senterpartiet i fylket har gått inn for å greia ut traseen til Gjedrem. Det har òg Eigersund Ap og Sokndal kommune.

- Sokndal har, som den einaste kommunen, sendt brev direkte til samferdselsministeren for å be om utgreiing, seier Gjedrem.

- Korleis vil du leggja opp arbeidet ditt framover?

- Eg vil fortsetja med å leggja informasjon om dei positive sidene av prosjektet på bordet, slik at Vegvesenet får eit best mogleg grunnlag for vurderinga si, seier Gjedrem.

Han har bestemt seg for å konsentrera seg fullt og heilt om vegen nå, og snakka minst mogleg om tog. Den avgjerda har han tatt etter møtet i Egersund Arena. Han ønskjer ikkje å gå inn i ein debatt om dobbeltsporet på Jærbanen. Det er fordi han meiner at mykje som er blitt sagt om tog etter møtet i Arena, er basert på galne føresetnader.

- Nå er det veg som gjeld, konstaterer han.

Nyheter fra andre aviser

Do NOT follow this link or you will be banned from the site!