Du må være innlogget for å få tilgang til alle nyheter! Logg inn eller opprett brukerkonto.

Deltakarrekord i tradisjonsrikt løp

Deltakarrekord i tradisjonsrikt løp

FOTO: Merete Horpestad

Egersund halvmaraton, med ti kilometer som alternativ distanse, samla snautt 150 deltakarar.

Tekst:

Publisert:

Oppdatert:
05.03.2016 kl 17:05

Aldri før har så mange stilt til start i løpet, som blei arrangert første gong i 1981.

Raskast over målstreken på halvmaraton var Svein Ove Risa, Undheim. Han sprang dei drygt 21 kilometrane, frå Lagård til Krossmoen og tilbake igjen, på tida 1.12.

– Det var tungt, kommenterte Risa, som sprang aleine i tet størstedelen av løpet.

Risa fekk premie for å ha fullført ti løp. Rekorden hans i Egersund halvmaraton er 1.07.

Se bildet større

TIANDE LØPET: Svein Ove Risa fekk to premiar; ein for å ha vunne løpet og ein for å ha fullført Egersund halvmaraton til saman ti gonger. FOTO: Merete Horpestad

Nummer to i herreklassen var Erlend Aano, GTI, som sprang på 1.16. To minutt etter sprang klubbkameraten hans, Bjøro Nevland, i mål som nummer tre.

Beste lokale mannlege løpar var Troels Ravn Pedersen. Han sprang distansen på 1.22.

Kirsti Johnsen Skåtøy, EIK friidrett, var beste kvinne. Ho sprang på 1.28.

– Flotte forhold, meinte Skåtøy. Skåtøy har sprunge halvmaraton to minutt fortare enn ho gjorde på laurdag, men ho var likevel godt fornøygd.

Som nummer to i mål i kvinneklassen kom Inger Elisabeth T. Mæland, Spirit, som sprang på 1.30.
Annette Frøyland Hoff, Statoil Triathlon, kom på tredjeplass i kvinneklassen med tida 1.32.

Se bildet større

FOTO: Merete Horpestad

På mila var Øystein Wergeland, Sandnes, raskast. Han sprang på 34.03. Bak seg hadde han Henning Mæhle, NTNUI friidrett, på tida 35.03 og Thomas Hetland, EIK friidrett, på 35.37.

I kvinneklassen var det Anne Jorunn Hodne, EIK friidrett, som vann mila. Ho sprang på 38.18. Ho slo Ida Tjørsvaag, Skjalg, som sprang på 39.46. På tredjeplass i kvinneklassen kom Karianne Eie Pettersen, EIK friidrett, som sprang på 41.56.

På vegen mot Krossmoen blei løparane møtt av ein lett bris frå nordaust. Det var tre varmegrader mens løpet gjekk.

Det lågaste talet på deltakarar som nokon gong har vore i Egersund halvmaraton, er 27.

Nyheter fra andre aviser

Do NOT follow this link or you will be banned from the site!