EIK sikra eitt poeng på Lassa

Kim Robert Nyborg og resten av EIK-laget fekk med seg eitt poeng heim frå Lassa. FOTO: Ole Kristian Larsen

Det blei eitt mål til kvar og dermed poengdeling mellom EIK og Vidar i 2.-divisjonskampen på Lassa laurdag.

Tekst:

Publisert:

Oppdatert:
30.08.2014 kl 18:37

dalane-tidende.no
Dalane Tidende
Se bildet større

FOTO: Ole Kristian Larsen

Vidar-scoringa kom 25 minutt ut i første omgang, då EIK fekk eit brot imot seg. Eirik Jakobsen forserte oppover på banen, passerte eit passivt EIK-forsvar og var aleine med keeper Jonas Høidahl då ballen blei plassert oppe i venstre hjørnet.

Heimelaget tok leiinga etter at EIK i ein periode hadde vore det beste laget og produsert både flest og farlegast sjansar.

I det 38. minuttet blei EIK tilkjent straffe då Espen Rasmussen gjekk i bakken. Kenneth Grande skaut knallhardt ned til venstre, men ein god Bjarte Christian Egeland i Vidar-målet hindra utlikning.

Også då Kim Robert Nyborg blei felt like før pause, ville EIK ha straffe, men denne gongen blei det i staden ein dobbeltsjanse. Stian Ingebrethsen blåste returen over Vidar-målet.

Vidar sin draum om heimesiger brast i det 66. minuttet. Etter eit flott skrudd innlegg frå høgre raga Nicolai Geertsen høgast og stanga ballen inn med hovudet til ei fortent utlikning.

Alt like etter avspark i andre omgang hadde EIK ein stor sjanse. Ein godt slått corner gjekk forbi alle motspelarar, men Dennis Nielsen nådde bare nesten fram til ballen.

EIK var det klart beste laget i andre omgang. Mot slutten tilreiv Vidar seg eit lite initiativ, men heimelaget greidde ikkje å setja Jonas Høidahl på dei store prøvene.

Oppsummert var dette ein kamp med høgt tempo der EIK hadde ballen mest, samtidig som Vidar slo lange ballar i håp om å regjera i luftrommet.

EIKs lag: Jonas Høidahl - Miguel Diez, Nicoali Geertsen, Dennis Nielsen, Stian Vigrestad, Espen S. Rasmussen, Jostein K. Salvesen, Kim Robert Nyborg, Kenneth Grande (Kai Ove Stokkeland fra 84), Henning Romslo (Espen Skogen fra 62), Stian Ingebrethsen (Christian Andreasen fra 62)

Nøkkelord

Siste nytt i Sport

Klubbhuset reiser seg
ANNONSE
God NM-avslutning for Grastveit
 
Tour-løparane klar for siste etappe
Johnsen Skåtøy raskest av damene
Dårlig dag for Grastveit
 

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

ANNONSE