Du må være innlogget for å få tilgang til alle nyheter! Logg inn eller opprett brukerkonto.

På veg til Sandnes

På veg til Sandnes

Dei første 150 av årets nordsjøryttarar la ut frå Gruset presis klokka 7.30. FOTO: Keth Odland

Starten på årets nordsjøritt har gått. Og Leif Erik Egaas har gått heim for å eta frukost.

Tekst:

Publisert:

Oppdatert:
13.06.2015 kl 08:56

Han var tidleg i seng og tidleg oppe, ordførar Leif Erik Egaas. Etter å ha fått med seg premieren på Show Chow sin sommarrevy fredag kveld, kraup han under dyna, for så å vera på plass, med kjede rundt halsen, på Gruset i halv sju-tida laurdag.

- Trø på! Viss ikkje, tek eg dykk igjen på Ogna, sa Egaas til den første pulja som stod oppstilt bak startstreken då han sjølv tok seg av den offisielle opninga av den 18. utgåva av Nordsjørittet.

Startpulja, som skaut av garde presis klokka halv åtte, bestod av dei som er seeda som dei 150 beste i klassen menn 40-44 år. Trusselen frå Leif Erik Egaas, som skal starta klokka 11, gjekk neppe veldig hardt inn på dei.

Se bildet større

Etter å ha opna det 18. Nordsjørittet tidleg laurdag morgon, nytta ordførar Leif Erik Egaas sjansen til å foreviga den første pulja på startstreken - før han måtte heim for å eta frukost og skifta til sykkelantrekk. FOTO: Keth Odland

Frukost hadde ikkje den syklande ordføraren teke seg tid til før morgonoppdraget på Gruset.

- Nå skal eg heim og ha meg ei skive eller to og slappa litt av før eg kjem tilbake med sykkel og eit litt anna antrekk, sa Egaas då han hadde sett dei første "konkurrentane" sine vel av garde.

Se bildet større

Blant dei konsentrerte og spente ryttarane som stilte seg opp bak startstreken litt før klokka halv åtte, var Bjørn Arild Omdal (nr 93) frå Dalane sykleklubb. FOTO: Keth Odland


Også Siri Ommedal, dagleg leiar i Nordsjørittet, var til stades på Gruset då den første starten gjekk. Med perfekte forhold og mange påmeldingar i siste liten reknar ho med at rundt 11.000 syklistar har tenkt seg frå Egersund til Sandnes i løpet av dagen.

Og forholda som ventar dei, er bortimot perfekte; passe temperatur, kanskje litt sol, og nesten ikkje merkbar vind - kanskje med unntak av den vanlege motvinden på Jæren.

Nøkkelord

Nyheter fra andre aviser

Do NOT follow this link or you will be banned from the site!