Du må være innlogget for å få tilgang til alle nyheter! Logg inn eller opprett brukerkonto.

Vorspiel med brus og medalje

Vorspiel med brus og medalje

Tunga beint i munnen, for her gjeld det å treffa teltopninga. FOTO: Keth Odland

Helgas store sykkelball er i gang. Hundrevis av ungar slo an takten fredag ettermiddag.

Tekst:

Publisert:

Oppdatert:
13.06.2015 kl 09:00

Det var rosa hjelmar og syklistar med skjørt, små råskinn og bittelitt knall og fall. Men premie vanka det til alle dei kanskje 400 ungane som fredag sykla Barnas nordsjøritt frå Slettebø eller Gruset, og inn til ventande og jublande kjende og ukjende tilskodarar i og ved Byteltet.

Dei eldste var nesten 12, mens nokon av fredagens nordsjøryttarar bare hadde hatt bursdag éin gong i livet sitt. Ein av dei yngste, kanskje aller yngst, var Sofia Ege Stokkeland. Ho hadde det på ingen måte travelt med å koma seg til mål i Byteltet. Trehjulsykkelturen frå Gruset blei lang, kanskje særleg for far, for innimellom måtte ho av sykkelen litt, og så måtte ho snu og sykla litt den vegen, og så ein tur bort dit...

Se bildet større

Sofia Ege Stokkeland var kanskje yngst av alle i Barnas nordsjøritt. FOTO: Keth Odland

Andre hadde litt meir rutine.

- Eg sykla i fjor òg, så eg visste korleis det var, fortalde Marcus Sæstad (5), som fekk akkurat like fin medalje og like stor brusflaske som søstera Eira (3) då han kom i mål.

Se bildet større

Søskena Eira og Marcus Sæstad sykla inn til gilde premiar. FOTO: Keth Odland

Arrangør Kjetil Torgersen har tidleg fredag kveld ikkje fått talt opp kor unge syklistar som deltok i vorspielet før laurdagens vaksne utgåve av Nordsjørittet.

- Det var over 200 førehandspåmelde, så det kan godt ha vore nærmare 400 som sykla i alt, seier Torgersen.

Det strålande vêret gjorde nok sitt til at Torgersen får eit høgt tal å setja to strekar under når oppteljinga er unnagjort.

Nøkkelord

Se bildet større

Klare til start på Slettebø. FOTO: Keth Odland

Se bildet større

FOTO: Keth Odland

Se bildet større

FOTO: Keth Odland

Nyheter fra andre aviser

Do NOT follow this link or you will be banned from the site!